"Жамбыл облысы әкімдігінің білім басқармасы Шу ауданының білім бөлімінің Міржақып Дулатұлы атындағы орта мектебі" коммуналдық мемлекеттік мекемесінде бастауыш сынып ұстазы Р.Ч.Меркебаеваның ұйымдастыруымен 1 сынып білім алушыларымен «Әліппе, саған мың алғыс!» атты әліппемен қоштасу кеші ұйымдастырылды. Білім алушылар аталған оқулықтан 42 әріпті танып, жазуды үйренді.
Іс-шара барысында білім алушылар әліппе туралы өлеңдер, тақпақтар оқып, хор айтты. Қазақтың ұлттық биін билеп, ән салды. Әртүрлі қызықты сұрақтарға жауап берді. Оқушылар көтеріңкі көңіл күймен өнер көрсетті. Іс-шара соңында директордың оқу ісі жөніндегі орынбасары Г.М.Естемисова мерекемен құттықтап, білім баспалдағын тұңғыш ашқан 1 сынып білім алушыларына ақ жол тілеп, алғыс хаттармен марапаттады.
