"Жамбыл облысы әкімдігінің білім басқармасы Шу ауданының білім бөлімінің Міржақып Дулатұлы атындағы орта мектебі" коммуналдық мемлекеттік мекемесінде 27-28 желтоқсан күндері 1-4, 5-8 сынып білім алушыларымен “Қош келдің Жаңа жыл-жаңа белес, жаңа арман!” атты жаңа жылдық мерекелік іс-шарасы өтті. Іс-шара барысында білім алушылар әсем әндер орындап, би биленді. Аяз ата, Ақшақар, Сайқымазақтар т.б. бүлдіршіндердің көңілін қуантатын кейіпкерлер ортада рөлдерді сомдады.

Мақсаты: Қыс мезгілінде болатын балалардың сүйікті мерекесімен таныстыру. Мерекелік көңіл күйлерін ояту. Әр баланың мерекеге қатысуын қадағалап, мерекені балалардың естерінде қалатындай етіп өткізу, достық қарым-қатынас орнату көзделді. Балалар Жаңа жыл, қыс мезгілі туралы тақпақтарын нақышына келтіре айтып, хормен "Шырша","Жаңа жыл" әнін орындады. Білім алушылар қызықты ойын түрлерін көрсетіп, өз өнерлерін паш еткен бүлдіршіндер Аяз ата дорбасынан сыйлық тәттілерін алып мерекелік жақсы көңіл күймен аяқталды.